பங்குனி உத்திரத்தின் முக்கியத்துவம்:
பங்குனி உத்திரம் பல்வேறு புராணக் கதைகளுடன் தொடர்புடையது. மேலும் முக்கியமான சில திருமணங்கள் இந்த நாளில் நடைபெற்றதாக நம்பப்படுகிறது:
- சிவன் – பார்வதி திருமணம்: சிவபெருமானுக்கும் பார்வதி தேவிக்கும் இடையே நடந்த திருக்கல்யாணம் பங்குனி உத்திரத்தன்றுதான் நிகழ்ந்ததாக சைவர்கள் போற்றுகின்றனர். எனவே இது சக்தி சிவனுடன் இணைந்த நாளாகக் கருதப்படுகிறது.
- முருகன் – தெய்வானை திருமணம்: முருகப்பெருமான் தெய்வானையை மணந்ததும் இந்த புனித நாளில்தான். அதுமட்டுமல்லாமல் முருக பக்தர்கள் இந்த நாளை மிகவும் விசேஷமாக கொண்டாடுகின்றனர்.
- ராமன் – சீதை திருமணம்: ராமாயணத்தின் நாயகர்களான ராமனும் சீதையும் திருமணம் புரிந்தது பங்குனி உத்திரத்தன்றுதான் என்று ஒரு சில புராணங்கள் கூறுகின்றன.
https://neethidevadhai.com/https-neethidevadhai-com-ilayaraja-police-news/
- காவடி எடுத்தல்: இருப்பினும் முருக பக்தர்கள் பலர் இந்த நாளில் காவடி எடுத்து தங்கள் நேர்த்திக்கடனை செலுத்துகின்றனர். பால் காவடி, பன்னீர் காவடி, புஷ்ப காவடி என பல்வேறு வகையான காவடிகளை சுமந்து பக்தர்கள் ஊர்வலமாக கோயிலுக்குச் செல்கின்றனர்.
- தேரோட்டம்: சில பெரிய கோயில்களில் பங்குனி உத்திரத்தை முன்னிட்டு தேரோட்டம் வெகுவிமரிசையாக நடைபெறும். திரளான பக்தர்கள் தேரை வடம் பிடித்து இழுத்து தங்கள் பக்தியை வெளிப்படுத்துகின்றனர்.
- மேலும் பல கோயில்களிலும், பக்தர்களின் சார்பிலும் அன்னதானம் வழங்கப்படுகிறது. மேலும் இது இந்த நாளின் முக்கிய சேவையாகக் கருதப்படுவதோடு பல குடும்பங்களில் புதிய திருமண முயற்சிகள் இந்த நாளில் தொடங்கப்படுகின்றன. சில ஜோடிகளுக்கு கோயில்களிலேயே திருமணம் செய்து வைக்கப்படுகிறது.
ஆன்மீக முக்கியத்துவம்:
பங்குனி உத்திரம் வெறும் திருமணங்களின் திருவிழா மட்டுமல்லாமல் ஆன்மீக ரீதியாகவும் மிகவும் முக்கியத்துவம் வாய்ந்தது. இவ்வாறே இந்த நாளில் விரதம் இருந்து இறைவனை வழிபடுவதால் பாவங்கள் நீங்கும், மன அமைதி கிடைக்கும், திருமண தடை நீங்கும், குழந்தை பாக்கியம் கிட்டும் என்பது நம்பிக்கை. கூடுதலாக உத்திர நட்சத்திரம் ஞானத்தையும், வளத்தையும் குறிப்பதோடு பங்குனி மாதத்தில் பூமி செழிப்பாக இருக்கும் காலம். எனவே, இந்த நாளில் இறைவனை வழிபடுவது வளமான வாழ்வை அளிக்கும் என்பது பக்தர்களின் நம்பிக்கை.