you are here Home » மருத்துவம்

மருத்துவம்

2024-2025 வருட ஒதுக்கீடு நிறுத்தி வைக்கப்படுவதாக அரசாணை வெளியிட்டதற்கு அரசு மருத்துவர்கள் கண்டனம்!

தமிழ்நாடு மருத்துவ பணியில் உள்ள அரசு மருத்துவர்களுக்கு முதுநிலை மருத்துவம் படிக்க 50% இடங்கள் உள் ஒதுக்கீடாக நீண்ட காலமாக வழங்கப்பட்டு வருகிறது. அதில் குறிப்பிட்ட சில துறைகளில் பணியிடங்கள் இல்லை என்ற காரணத்தை காட்டி 2024-2025 வருடம் முதல் இந்த ஒதுக்கீடு நிறுத்தி வைக்கப்படுவதாக அரசாணை எண்.151 ஐ மருத்துவத் துறை வெளியிட்டிருக்கிறது. ஆனால் அவர்கள் குறிப்பிடும் துறைகளில் தேசிய மருத்துவ ஆணைய இளநிலை ,முதுநிலை படிப்புகள் நடத்த தேவையான UG/PG Minimum Standard Requirements 2023 விதிகளின் படி ஒவ்வொரு துறையிலும் சுமார் 100 பணியிடங்கள் உருவாக்கப்பட வேண்டிய தேவை உள்ளது.தேசிய மருத்துவ ஆணையம் MSR 2023 இளநிலை,முதுநிலை படிப்புகள் நடத்த தேவையான குறைந்த பட்ச அளவு மட்டும் தான். ஆனால் நோயாளிகள் எண்ணிக்கைக்கு ஏற்ப மேலும் பணியிடங்கள் உருவாக்கப்பட வேண்டிய தேவையும் உள்ளது. ஆனால் தேவையான பணியிடங்களே உருவாக்காமல் செயற்கையாக மிகையான தோற்றம் உருவாகி வருகிறது என சொல்லி குறிப்பிட்ட சிறப்பு மருத்துவர்கள் படிப்பிற்கான இட ஒதுக்கீட்டை அரசு மருத்துவர்களுக்கு தர மறுப்பது எதிர்கால தேவையை கருத்தில் கொள்ளாமல் எடுக்கப்பட்ட பிற்போக்கான நடவடிக்கை ஆகும். இதனை அரசு உடனடியாக திரும்ப பெற்று விதிகளின் படி தேவைப்படும் பணியிடங்களை உருவாக்க வேண்டும்.

மாண்புமிகு முன்னாள் முதல்வர் முத்தமிழ் அறிஞர் கலைஞர் அவர்கள் ஏற்படுத்திய அரசு மருத்துவர்களுக்கான இட ஒதுக்கீட்டினால் தான் தேவையான மருத்துவ பேராசிரியர்கள் உருவாக்கப் பெற்று இன்றைக்கு தமிழ் நாட்டில் இந்திய அளவில் அதிக மருத்துவக் கல்லூரிகள் உருவாக காரணம். மருத்துவர்களும் ஆர்வத்துடன் அரசு பணியில் கிராம புற சேவையில் ஈடுபட்டு வருகின்றனர். மேலும் சிறப்பு மருத்துவர்கள் தாலூகா ஊரக மருத்துவமனைகளில் எளிய மக்களுக்கு தரமான இலவச சிகிச்சைகள் அளிக்கப்பட்டு வருகிறார்கள். இந்த அரசாணை மூலம் எதிர்காலத்தில் அரசு பணியில் சிறப்பு மருத்துவர்களின் எண்ணிக்கை குறைந்து மருத்துவ கல்லூரிகளுக்கு அங்கீகாரம் கிடைப்பதில் சிக்கல் ஏற்படும். தரமான சிறப்பு சிகிச்சைகளும் சேவையும் பாதிக்கப்படும்.

எனவே அரசு மருத்துவர்கள் மற்றும் பட்ட மேற்படிப்பு மருத்துவர்கள் சங்கம் இந்த அரசாணையை ரத்து செய்ய கோரிக்கை வைக்கிறது. இது அரசு மருத்துவர்களின் மக்கள் நலன் சார்ந்த கோரிக்கை
மருத்துவர். இராமலிங்கம்
மாநில செயலாளர்
அரசு மருத்துவர்கள் மற்றும் பட்ட மேற்படிப்பு மருத்துவர்கள் சங்கம்

 


Discover more from நீதிதேவதை மாத இதழ்

Subscribe to get the latest posts sent to your email.